Profesor Lush Susaj

24 Gusht 2026

Pedagogu Lush Susaj komentoi protestën qytetare që vijon kundër kryeministrit Edi Rama dhe qeverisë së tij.

Në një intervistë për News24, ai deklaroi se zgjidhja e vetme është dorëheqja e kryeministrit Edi Rama, për të cilin tha se qeveris me vota të vjedhura.

Pedagogu theksoi se e sheh protestën si një shpëtim për vendin, pasi sipas tij, ajo po prodhon qytetarë të përgjegjshëm dhe që ngrenë zërin.

“Kjo protestë e bashkoi shoqërinë, e shoh si shpëtim të Shqipërisë. Kjo protestë po krijon qytetarë të përgjegjshëm. Ka një zgjim. Shoh pritshmëri në shtator. Shtatorin e shoh se janë të gjitha mundësitë, edhe linja studentore me u përfshirë më shumë.“, tha ai.

Sipas tij, protesta ia nxorri maskën qeverisë dhe propagandës së sja.

“Kjo protestë ia çorri maskën, dhe ia ka zbuluar se si po qeveriset në mënyrën shumë të keqe.”, shtoi ai.